AR hotu ten Larsap an kawm

23 Sector Assam Rifles-a DIG Brig. Digvijay Singh SM leh Doctor ten Inrinni khan Mizoram Governor Hari Babu Kambhampati chu Raj Bhavan-ah kawmin Assam Rifles, Fortis Group of Hospitals leh Trinity Hospital, Aizawl tangkawp ten March 10 atanga Champhai khawpuia an kalpui, Lunglam natna tan bika Health Camp, ‘Heart Health Camp’ chungchang an sawipui a, Governor chuan Lunglam hriselna chu ngaih pawimawh a tul thu te, amah ngei pawh lungna avang harsatna lo tawk tawh a ni thu te sawiin, Mizoram chhunga a vawikhatna atana hetiang lam, natna khirh deuh enkawl dan chungchanga Assam Rifles leh damdawi lam thiam te tangkawp in an buatsaih chu lawmawm a tih thu a sawi a. Assam Rifles leh a thawhpui Doctor thiam rual te chu thingtlang hmun hrang hrangah te Civil Action programme of Assam Rifles kaltlanga Health Camp tam zawk buatsaih chhunzawm turin a chah bawk.