Hri kai 64 hmuh belh leh

Nimin khan Serchhip District-ah COVID-19 hri kai mi 64 hmuh belh leh niin mi 116 enkawl dam an ni a, hri kai enkawllai pawh mi za nga aiin an tlem tawh a ni.

Nimin a hri kai hmuhchhuah zingah hian Serchhip-a hri kai hmuhchhuah tam berin mi 23 hmuh belh leh an ni a, P&E Veng-ah hri kai mi 7 hmuh niin New Serchhip Bazar Veng leh Kanan Veng-ah hri kai mi 4 ve ve hmuh an ni a, New Serchhip Venglai-ah hri kai mi 2 hmuh ni bawkin Agriculture Complex, Darnam Veng, IOC Veng, Leisang Veng, Tui-khuah Veng leh Vengchung-ah hri kai mi pakhat theuh hmuh an ni.

Heng bakah hian Thenzawl-ah hri kai mi 21 hmuhchhuah niin Chhingchhip-ah mi 6 hmuh an ni bawk a, Buangpui, Chhiahtlang, Hmunzawl leh North Vanlaiphai-ah hri kai mi 3 theuh hmuh niin Thinglian-ah hri kai mi pahnih hmuh an ni bawk.

Heti hian nimin thleng khan Serchhip District-a COVID-19 hri kai hmuhchhuah tawh chu 12,507 niin nimin a mi 116 enkawl dam te nen hri kai zinga 11,980 te chu enkawl dam an ni tawh a, hri kai hmuhchhuah atanga za zela 95.78 te chu enkawl dam ni tawhin hri kai enkawl dam an pung zel a, hri kai enkawllai 498 la awmin hri kai zingah mi 29 an boral tawh a ni.