Hri kai 198 hmuh belh leh

Pathianni khan Serchhip District-ah COVID-19 hri kai hmuhchhuah an awm loh hnuah nimin khan hri kai mi 198 hmuhchhuah belh leh an ni.

Nimin a hri kai thar zinga 93 zet hi Serchhip-a hri kai hmuh ta an ni a, Bungtlang-ah hri kai mi 23 hmuh niin Thenzawl-ah 22, North Vanlaiphai ah 18, Chhiahtlang-ah 13, Buangpui-ah 10, Chhingchhip-ah 7, Kanghmun South-ah 6, Piler ah 3, Thentlang-ah 2 leh Lungchhuan-ah hri kai mi pakhat hmuh an ni bawk.

Nimin khan Serchhip District-ah hri kai enkawl dam mi 226 awm belh lehin Serchhip District-a hri kai hmuhchhuah zawng zawng chu 11,861 an tling ta a, an zinga 10,961 te chu en-kawl dam ni tawhin hri kai hmuhchhuah atanga za zela 92.41 te chu enkawl dam an ni tawh a, enkawllai 871 la awmin hri kai zingah mi 29 an boral tawh bawk a ni.