District 2-ah Workshop nei

Hmasawnna tluantling, tha leh tlo kalpui leh vil dan chungchang ah ‘Workshop on Implementation, Monitoring & Localization of Sustainable Development Goals’ chu nimin khan Lunglei leh Siaha District-ah te neih a ni a, heng hunah hian Planning Department-a mithiam ten Sustainable Development Goals hrang hrang 17 bakah SDGs ti hlawhtling tura tehfung hrang hrang, District leh Village Level a kalpui tura ruahmanna siam, Village Council leh NGOs te mawhphurna leh pawimawhna te zirtirna an pe a ni. SDG chi 17 zingah hian retheihna umbo, chhuanchham awmlohna, hriselna leh nunkhaw nawmna, zirna tha leh rintlak, mipa leh hmeichhia intluktlanna, tui thianghlim leh faina, leilung hausakna tichereu lo zawnga kawlphetha siam leh hman, eizawnna ngelnghet leh ram hmasawnna, thil siamchhuahna atana thil thar tha zawk leh hmasawnna ruhrel tha ruahman, khawpui ngelnget leh mipui himna, neitu nihna rilru nena thil dehral leh siam, sik leh sa danglam chak lutuk tur venna atana hmalak leh thildang te a tel a ni.