Aizawl Sustainable Urban Transport Project kalpui dawn

UD&PA changtu Deputy Chief Minister Tawnluia chuan cheng vbc. 1,860 sengin Aizawl khawpui tihhmasawnna tur, Aizawl Sustainable Urban Transport Project kalpui a ni dawn tih nimin a Assembly inkhawm ah MNF member Zothantluanga zawhna chhangin a sawi a, he Project hi a liantham a, a pawimawh hle bawk tih sawiin, Aizawl khawpui cheimawina a nih piah lamah hmasawnna leh changkanna atan thil pawimawh tak a ni dawn tih a sawi bawk. Deputy Chief Minister chuan hemi atan hian Consultancy Firm chu nikum December ni 8 khan thlan fel a nih thu leh Aizawl khawpui zirchiangin, kawngpui, Fly Over, Bus fleet, Bus leh Truck Terminal, Footpath, Step, Junction, Ropeway leh thil dang pawimawh siam theih dan tur zirchiangin, Feasibility Report an buatsaih ang tih a sawi bawk.