Buk tlinglo thawnkir turin ti

Tunhnaia Serchhip-a eirawngbawlna Gas buk tlinglo man te chu thawnlet tura tih niin heng eirawngbawlna Gas rawn phurtu Truck Driver pawh hrem tura tih a ni.

Serchhip-a Gas Agency pakhat, B. Lalnema Gas Agency (Bharti Gas)-a eirawngbawlna Gas rawn thleng Inrinni kalta a enfiahna a buk tlinglo bur 300 man te hi Serchhip DC kut-a hlan a nih hnuah eirawngbawlna Gas bur khat hi kg. 15 ni tur ni mah se Challan-ah kg. 13-a tarlan a nih avangin kg. 13 tling chin zawng chu a kg. man zat tur chhutchhuakin hemi ang hian mipui hnena an hralhchhuah phalsak an ni a, kg. 13 tling lo zawng erawh Company lama thawn-kir tura tih a ni thung.

Serchhip DC chuan eirawngbawlna Gas buk tlinglo chungchangah hian hrem ngai te hrem tura Legal Metrology Inspector chu a tih angin heng eirawngbawlna Gas rawn phurtu Truck Driver pawh dan anga pawisa chawitir a nih tur thu Legal Metrology Inspector Johny Zonunmawia chuan a sawi a, Driver hian pawisa a chawi hnuah a Motor an hren mek pawh an chhuah nghal tur thu a sawi bawk.