Glaucoma Week hmang mek

Zonuna Kawlni (LENKAWL) • March 10, 2022 • Comments • Serchhip

Mit BP sang tia hriat thin, Glaucoma tibo tura hmalakna atana kumtin-a hman thin ‘World Glaucoma Week’ chu tunkar Thawhtanni atang khan hman mek a ni a, kumin hian ‘Khawvel a mawi, i mit duat rawh’ (The World is Bright, Save your Sight) tih chu thupui atan hman a ni a, Ser-chhip District-ah chuan Thawhtanni atang khan Programme hrang hrang hman chhoh mek a ni.

World Glaucoma Week, 2022 hman mek pual hian Thenzawl CHC-a thawktute chuan nimin khan Govt. Standard Middle School zirlai naupang te chu an School-ah kalchilh in Mit lamah harsatna an neih leh neih loh an endik sak a, mi 4 hnenah a thlawhin Tarmit an pek bakah zirlai naupang zawng zawng tan Multivitamin an sem bawk a. Chawhnu lamah thuthar thehdarhtute tan inentirna hun an buatsaih bawk a ni.