MLA thlan thar lawmpui

MPCC, BJP leh ZNP te chuan Serchhip bialtu MLA atana thlan thar Lalduhoma chu an lawmpui thu an sawi.

Mizoram Pradesh Congress Committee (MPCC) pawhin Serchhip bial Bye-Election neih zawh taka MLA atana thlantlin, Lalduhoma chu an lawmpui thu sawiin, Serchhip bial mipuite duhthlanna chu an pawmin, a zahawm an ti hle tih an sawi a. By-Election kan neihna chhante leh a boruak thlirin Congress Party tan tlin a harsa dawn a ni tih hre reng chunga Party tana pen-chhuak ngam INC Official Candidate, PC. Laltlansanga chu an chhuang takzet tih an sawi a. A thawhrimna leh a tih tak takna te Pathian in mal a la sawm ngei an ring tlat tih an sawi bawk.

BJP Mizoram Pradesh chuan Serchhip Bial Bye-election neih zawh takah inthlanna felfai tak neih niin Lalduhoma thlantlin a ni chu an lawmpui thu an sawi a. BJP Official Candidate, Lalhriat-renga Chhangte duhsaka vote hlutak pe tu te chungah pawh lawmthu sawiin, kum 2023 MLA inthlanpui lo awm tur atan theihtawp chhuahin hma an la chhunzawm zel dawn tih an sawi bawk.

Zoram Nationalist Party (ZNP) pawhin Ser-chhip bial bye-election a thlantlin Lalduhoma chu an lawmpui takzet tih sawiin, a tling zo lo te pawh thinlung takin an tawrhpui takzet tih an sawi.