Latest News

Mizoram-a COVID-19 hri a len hnuah May 2021 ah hri kai leh nunna chan an tam

Nikum March thla-a Mizoram-a COVID-19 hri kai hmuhchhuah an nih hnuah May thla kan hman mek chu COVID-19 hri kai hmuhchhuah an tam ber thla a ni mek a, tun thla ah hian ni 18 chiah kan la hman chhungin hri kai 2937 hmuhchhuah an ni tawh a ni.


Khawvel in a buaipui COVID-19 hri kai hi Mizoram-ah chuan nikum (2020) March thla khan hmuhchhuah tan niin nikum March thla khan hri kai pakhat hmuhchhuah a awm a, nikum April leh May thla ah te hri kai hmuhchhuah an awmloh hnuah June thla ah hri kai hmuhchhuah thar hi awm lehin June thla ah hian 159 hmuhchhuah an ni a, hemi hnu hian hri kai hmuhchhuah hi pung chho zelin September thla ah phei chuan 1000 aia tam hmuhchhuah an awm a, October thla ah tlahniam hret leh mah se November thla ah pung chho lehin hemi hnu hian hri leng in ziaawm lam panin thla tin-a hri kai hmuhchhuah pawh an tlahniam hret hret a, kumin (2021) February thla ah phei chuan hri kai hi mi 51 chiah hmuhchhuah a ni.

Amaherawh chu COVID-19 thawh hnihna rawn thleng zuiin Mizoram-ah hri kai hmuh pawh a ni telin an pung ve leh a, March thla ah hri kai 53 hmuh niin April, 2021-ah 1655 zet hmuhchhuah an ni leh a, May thla kan hman mekah thla chanve kan hmang zo awrh chungin hri kai 2937 hmuhchhuah ni tawhin hei hi Mizoram-a hri kai hmuhchhuah an nih atanga thla khat chhunga hri kai hmuhchhuah an tam ber thla a ni mek a, tun thla ah hian ni 13 lai ala awm avangin hri kai hmuhchhuah hi nasa taka ala pun ngei a rinawm a ni.

Mizoram-ah nikum March thla atanga COVID-19 hri kai hmuhchhuah an awm laiin hri kai zingah nunna chan chu October thla ah awm tanin thla bi-a chhutin May, 2021 hi hri kai zinga nunna chan an tam ber thla a ni bawk a. Mizoram-a COVID-19 hrik ai zinga nunna chan hmasa ber, Lalsang-khuma, Dawrpui chu nikum October 28 khan boralin hemi atang hian thla tin nunna chan hi an awm zel a, tun thlengin nunna chan mi 29 awm tawhin tun thla ringawt-ah hian nunna chan mi 14 zet an awm tawh bawk a ni.

Comments

Popular News (Last 30 Days)