Vawk thi 3 awm belh leh

Zonuna Kawlni /

Darkar 24 kalta chhung khan Serchhip District-a African Swine Fever lenna hmunah Vawk thi 3 awm lehin Serchhip-ah chhan hriatloh a Vawk thi pakhat a awm bawk.

Serchhip-a AH & Vety Department hotute hnen atanga thu kan dawn danin Serchhip District-a African Swine Fever (ASF) lenna hmuna darkar 24 kalta chhunga Vawk thi pathum zinga pahnih hi New Serchhip ami niin a dang pakhat hi East Lungdar khua ami a ni thung a, Serchhip-a Vawk thi pahnih hi Vawk puitling niin East Lungdar-a Vawk thi hi thla 3 leh thla 8 inkar a ni thung. Heti hian Ser-chhip District ASF lenna khaw 6-a Vawk thi zat chu 61 ni tawhin Vawk thi tamna ber East Lungdar-ah Vawk 24 thi tawhin New Serchhip-ah 15 an thi tawh a ni.

Hetihlai hian darkar 24 kalta chhung khan Serchhip District-ah chhan hriatloh a Vawk thi pakhat awmin hei hi Serchhip khua ami a ni a, he Vawk thi hi Rapid Antigen Test hmangin African Swine Fever Test neih nghal ni mah se ASF hri erawh hmuh a ni lo thung a, Serchhip District-a chhan hriatloh a Vawk thi hi khaw 6-ah 16 a awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »