Mipui in Lockdown zawm tha

Mizoram sawrkar in hri leng hluar zel avanga nimin zing dar 4:00 atanga Lockdown a puan chuan nimin khan Serchhip mipuite zawm a hlawh tha viau.

Tun thla ni 11 zing dar 4:00 thleng awh tura Mizoram sawrkar in Lockdown a puan tak avang hian nimin khan Serchhip khawpui chhung ah mipui vakvel hmuh tur an tlem hle a, Veng hrang hrangah VLTF Duty hmuh tur awm leh tawhin Executive Duty pawh hmun hrang hrangah hmuh tur an awm bawk a, lirthei hmanga khawlai-a vakchhuak pawh an tlem hle a ni.

Serchhip District Magistrate chuan thuchhuah siamin COVID-19 hri leng hluar zel avangin Mizoram Sawrkarin Mizoram State chhungah inkharkhip kalpui turin thupek a chhuah thu leh hemi bawhzuina atan leh COVID-19 hri leng laka kan him theihna turin Section 144 of Cr.PC 1973-in thuneihna a pek angin District Headquarters chhungah zan dar 7:00 leh zing dar 4:00 inkarah pawn chhuah khap tlat a ni tih a tarlang bawk a. He thupek hian phalna pek bik hrang hrang te a huam loh tur thu a tarlang bawk a ni.