Latest News

Hri kai mi 3 dam ve leh

Serchhip-a COVID-19 hri kai hmuhchhuah mi pathumte chu hri lakah fihlimin Inrinni khan anmahni enkawlna hmun aTanga chhuahtir an ni. Inrinni-a hri kai enkawl dam tak te hi April 21-a hri kai hmuhchhuah New Serchhip-a mi pahnih leh April 22-a hri kai hmuhchhuah Serchhip Bazar ami te an ni.

Hetihlai hian Inrinni-a sample enfiah te aTangin Serchhip District-ah hri kai mi 16 hmuh belh leh an ni thung a, TrueNat Laboratory-a Sample enfiah 4 aTangin hri kai mi 3 hmuh niin BSF Sipai Dawngzawl-a awm, tunhnaia State pawn atanga rawn lut an ni a, Rapid Antigen Test hmangin Sample 19 enfiah niin hri kai mi 13 hmuh an ni bawk a, an zinga mi 12 te chu Mizoram Police, tunhnaia State pawn lama in-thlanna a duty rawn haw niin midang pakhat hi Horticulture College, Thenzawl mi niin tunhnaia State pawn aTanga rawn lut a ni bawk.

Heti hian nimin thleng khan Serchhip District-a COVID-19 hri kai hmuhchhuah chu mi 310 ni tawh a, an zinga mi 196 te chu enkawl dam ni tawhin tunah hian hri kai enkawllai mi 113 awm mekin an zinga mi 91 te chu Nursing School CCC-ah enkawl an ni a, midang 19 te chu Integrated Ayush Hospital, Thenzawl-ah enkawl niin In lama hri kai enkawl mi pathum an awm mek bawk a ni.

Comments

Popular News (Last 30 Days)