Hri kai hmuh belh zel an ni

Nimin khan Serchhip-ah COVID-19 hri kai mi 3 hmuh niin niminpiah khan North Vanlai-phai-ah hri kai mi 2 hmuh an ni bawk.

Nimin a Serchhip-a hri kai hmuhchhuah mi pathum te hi Veng hrang ami theuh an ni a, New Serchhip Venglai-ah hri kai pakhat hmuhchhuah niin damlohna a neih avanga damdawi In-a inentir tur chu sample enfiah a nih hri a kai tih hmuhchhuah a ni a, Serchhip Chanmari Veng-a hri kai hmuh tawh te fa, mipa naupang pakhat chuan hri a kai tih hmuhchhuah nibawkin Serchhip Vengchung ah hri kai pakhat hmuh a ni bawk a, taksa-a hri kai lanchhuahna neih avanga Sample enfiah a ni bawk.

Niminpiah khan North Vanlaiphai-ah hri kai pahnih hmuhchhuah an ni bawk a, heng mite hi nupa niin hri kai lanchhuahna an neih avanga Sample enfiah niin hri an kaina hriatloh a ni.

Serchhip District-a hri kai enkawl mi 11 te chu hri lakah fihlimin nimin khan anmahni enkawlna hmun atanga chhuahtir an ni ve leh bawk a, heti hian Serchhip District-ah hri kai 457 hmuhchhuah ni tawhin an zinga 310 enkawl dam ni tawhin enkawllai 146 an la awm a, hri kai nunna chan pakhat a awm tawh bawk a ni.