Hri kai hmuh belh awm zel

/

Serchhip District-ah COVID-19 hri kai hmuh belh zel an la ni a, nimin khan hri kai mi 6 te chu enkawl dam an ni bawk.

Niminpiah-a Serchhip District-a COVID-19 hri kai hmuhchhuah mi 10 te hi Rapid Antigen Test hmanga Sample enfiah 234 atanga hmuh niin Keitum-ah hri kai mi 4 hmuh niin tunhnaia hri kai hmuh tawh nen inkawmhnaihna nei an ni a, midang 4 te hi Then-zawl-a hri kai hmuh an ni thung.

Hriat theih chinah nimin khan Keitum-ah hri kai pakhat hmuh belh leh a ni a, heti hian Keitum khua ah hian he thu buatsaih lai thleng hian hri kai mi 28 hmuh an ni tawh a, Thenzawl-ah hir kai pakhat hmuh ni bawkin tunhnaiah hri kai mi 28 hmuhchhuah an ni tawh bawk a ni.

Nimin khan Serchhip District-a COVID-19 hri kai enkawl mi 6 te chu enkawl dam niin anmahni enkawlna hmun atanga chhuahtir an ni a, heng hri kai enkawl dam te Nursing School CCC-a enkawl mi 2 leh 4C Chhingchhip-a enkawl mi 4 an ni. Heti hian nimin tlai thleng khan Serchhip District-a COVID-19 hri kai hmuhchhuah chu 573 niin an zinga 472 te chu enkawl dam an ni tawh a, tunah hian hei kai 99 an la awm mek a, hri kai zingah nunna chan mi 2 an awm tawh bawk a ni. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »