Truck-ah Camera emaw, GPS emaw vuah tha ti

Supply Minister, K. Lalrinliana chuan Buhfai, Gas leh tuialhthei pawlhdal leh bothlau thin titawp turin a phurtu Truck-a Camera emaw, GPS emaw vuah theih chu thil tha tak a ni tih a sawi.

    Assembly thutkhawm neih mekah he thu hi sawiin Supply Minister chuan tunhnai mai pawh khan Serchhip-ah tuialhthei phur pakhatin a lo hralh tih sawiin, Consumer Union lamin tha an tih loh avangin FIR an thehlut hial a. Thil awmdan an chhui chiannaah a hralhtu Driver chuan DCSO in hralh a phal sak niin a sawi thung tih a sawi a, hemi chungchangah hian DCSO chu pha thungin, chutianga a phalsak lo a nih chuan FIR thehlut tura hriattir hial a ni tih Minister chuan a sawi a. Hetiang buaina neuh neuh awm thin titawp tur hian Camera emaw GPS emaw vuah chu thil tul tak a nih thu leh Oil Company-te pawhin hetiang hi an kalpui tan mek tih a sawi bawk.