Latest News

Tourism Minister in Para-Gliding hmunhma a tlawh

Tourism Department changtu Minister, Robert Romawia Royte chuan nimin tlai khan Ser-chhip-a Para-Gliding atana hmunhma buatsaih mek te a tlawh.

Tourism Minister hi MASA Hqrs. leh Serchhip Sub-Hqrs. Serchhip hruaitu ten lo dawngsawngin Bawngchawm tlang-a Para-Gliding hmun-a mikhual thlenna In (Cafeteria) leh hmunhma cheibawl mek te a tlawh a, he hna hi Mizoram Aerosport Association (MASA) ten NEC sum cheng nuai 438 seng-a an sak a ni.

Zawhna chhangin Tourism Minister chuan he hna, Technology thara thawh mek hi tha a tih thu leh harsatna awm thei ah puih a inhuam thu a sawi a. Mat phai Zawlpui leilet zawl-a Para-Gliding Landing hmun lei fel tawh, a bulhnaia leilet neite tan a hnawk loh nana tihfai a tul thu MASA Sub-Hqrs. Serchhip hruaitu ten an sawi pawh lo ngaihtuahzui a tum thu a sawi bawk.

Comments

Chhiar Hlawhte