Latest News

Nodal Officer te thukhawm

Thla thar April 17-a 26-Serchhip (ST) A/C-a bye-election neih tur atana mawhphurhna pawimawh chelhtu, Nodal Officers te chu nimin khan District Election Officer, Kumar Abhishek hovin an thukhawm.

He thutkhawm Serchhip DC Meeting Hall-a neih ah hian District Election Officer leh bye-election neih tura Returning Officer ni bawk, Kumar Abhishek chuan inthlanna fel fai tak a awm theih nana mawh-phurhna pawimawh ber ber chelhtu Nodal Officers ten mahni hna theuh hriatchian a pawimawh tih sawiin, taima taka inbuatsaih turin a chah a ni.

He hunah hian Nodal Officers tin ten tun thlenga an mawhphurhna kawnga hman an lak tawh chinte an sawifiah a, chumi rual chuan an inbuatsaihna peng hrang hrang Model Code of Conduct (MCC) kalpui dan te, Expenditure Monitoring chungchang te, Observer dawnsawn dan tur te, Helpline & Redressal chungchang te, Communication Plan leh Manpower Management te, Strong Room leh EVM Management te, Law & Order leh Security Matters te, Media Plan te leh thil dang pawimawh hrang hrang te sawiho zui a ni a. Hmachhawp an neih hrang hrangte pawh sawiho a ni bawk a, hmachhawp awm te hi bawhzui theih apiang bawhzui nghal zel turin ruahmanna an siam bawk.

Serchhip bial-a Assembly Bye-Election lo awm turah hian Kumar Abhishek, IAS, DEO & DC chu Returning Officer niin Amol Srivastava, IAS, Thenzawl SDO (Civil) chu Asst. Returning Officer a ni a. Nodal Officer atan Serchhip DRDA Project Director, Malsawm-tluanga, Addl. DC Lalmuansanga Ralte, Election Officer Vanlalhmachhuana, SDO (Sadar) C. Laltleipuii, Addl. SP PC. Laltanpuia, Ser-chhip DIPRO K. Saitluanga, East Lungdar BDO H. Lalhruaitluanga, Serchhip DC Office-a Superintendent R. Lalmuankimi, SDC Dr. Manesia Khaimeichho leh F. Lalnisai bakah Asheesh Kumar, DIO te chu ruat an ni.

Comments

Chhiar Hlawhte