Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

MSU in hna atanga chawlhtir turin MRB-ah thlen

Mizo Students’ Union (MSU) chuan Mizo-ram Rural Bank (MRB) hnuaia thawk tura lak Local Language Proficiency Test paltlang zo lo mi 6 te chu an hna atanga chawlhtir turin nimin khan MRB Chairman hnenah an thlen.

Hemi chungchanga MSU General Hqrs. thuchhuah in a tarlan danin Institute of Banking Personnel Selection (IBPS) kaltlanga Mizoram Rural Bank (MRB)-a thawk tûr lâk zingah Probation hun chhûnga Local Language Proficiency Test paltlang zo lo Office Assistant 6 - Chandan Choudhury, Kâwlkulh; Shailesh Kumar Singh, Champhai; Rishabh Raj, Marpara; Amibatha Nath, Kânhmun; Amit Kumar, Ngopa leh Sumit Kumar, Sangau hmuna thawk mêkte chu Regional Rural Banks Rules 2010-in a phal chin thla 18 aia tam hna an thawh avâng leh Mizo tawng pâwl riat (8) thiamna tlukpui Certificate an la neih theih loh avângin MRB Chairman, V. Jaya Chandra hnênah chawlhtîr thuai tûra ngenna hi an thlen a. MSU chuan hêng an huntiam pelh tawh hnua hnathawk luite hi MRB Management lamin an chawlhtîr vat theih nân nikum Nov. 24 khan General Manager hnênah ngenna a lo thlen tawh bawk.

He ngenna hian awmzia a neih loh mai bâkah hnamdang mi engemaw zâtin Sêrchhîp MRB Assistant Manager, Punit Kumar Jha hovin Local Language Proficiency Test buatsaih chu a fel fai tâwklo ti-a dâwta puhin SBI Corporate Centre, Mumbai lamah hêkna an theh lût tih hriat chhuah a ni leh ta zêl tih an sawi a. Hei hi Mizoram Rural Bank Service Regulation 2010 kalh leh Mizoram tih mualpho tumna a nih avângin MSU chuan thinrimthlâk a tiin chawlhkâr khat chhûnga ngaihdam dîl ngei tûrin a lo phût hial tawh tih an sawi a. MRB hi Mizoram tâna Bank a nih ang ngeiin Mizo mipui tâna rintlâk leh rin ngama a kal zêl hi a duh tak zet tih an sawi bawk.

Comments

Popular News (Last 30 Days)