Mizoram-ah hri kai hmuh belh awmlo

Niminpiah khan Mizoram-ah Sample 686 enfiah niin COVID-19 hri kai hmuhchhuah an awm lo.

Heng Sample enfiah te hi ZMC Laboratory-ah 44, District hrang hranga TrueNat Laboratory-ah pakhat leh Rapid Antigen Test hmangin Sample 641 te an ni.

Nimin khan Mizoram-ah COVID-19 hri kai enkawl dam an awm belh lova, heti hian nimin tlai dar 5:00 thleng khan Mizoram-a COVID-19 hri kai hmuhchhuah chu 4445 niin heng zinga 4421 te chu enkawl dam an ni tawh a, hri kai hmuhchhuah atanga za zela 99.46 te chu enkawl dam ni tawhin tunah hian hri kai enkawllai 13 an la awm a, Aizawl District-ah mi 9, Siaha-ah 2 leh Champhai leh Saitual-ah mi 1 ve ve enkawl niin hri kai zingah nunna chan mi 11 an awm tawh bawk.