Hri danna pek mek zel a ni

Inrinni thleng khan Mizoram-ah Health Care Workers mi 10,246 te chuan COVID-19 Vaccine an lak tur la zo tawhin Frontline Workers mi 1333 te pawhin hri danna hi an la zo tawh.

Sawrkar chhinchhiahna a\anga a lan danin kumin January 16-a Mizoram-a COVID-19 Vaccine, Covishield

pek hna kalpui a nih hnuah Health Care Workers mi 12,215 te hnenah Dose 1-na pek ni tawhin an zinga mi 10,259 te hnenah Dose 2-na pek a ni leh tawh bawk a, hri lenga dona kawnga a hmatawng-a thawktu, Frontline Workers mi 20,159 te hnenah Dose 1-na pek ni tawh bawkin mi 1510 te chu Dose 2-na pek leh an ni tawh bawk a ni. Hei bakah hian kum 60 chunglam mi 16,280 te hnenah leh kum 45 a\anga 59, natna benvawn nei mi 1629 te hnenah Dose 1-na pek a ni tawh bawk a ni.

Serchhip District bikah Health Care Workers mi 711 te hnenah Dose 1-na pek ni tawhin an zinga 639 te chu Dose 2-na pek an ni tawh a, Frontline Workers mi 2004 te hnenah Dose 1-na pek ni tawhin an zinga mi 422 te chu Dose 2-na pek an ni tawh bawk a, kum 60 chunglam mi 958 leh natna benvawn nei mi 125 te hnenah Dose 1-na pek an ni tawh bawk a ni. COVID-19 Vaccine pek hna hi Serchhip District-ah hian tluang taka thawh chhunzawm mek zel niin hri danna la zingah insawiselna nasa nei an awmlo nia thudawn a ni.