Hming pelut awm belh leh

/

Serchhip bial-a Assembly bye-election neih tura Mizo National Front (MNF) Official Candidate, Vanlalzawma chuan nimin khan he inthlan chuh tur hian Nomination Paper a thehlut.

MNF Official candidate, Vanlalzawma hian nimin chhun khan he inthlanna a Returning Officer tur Serchhip District Bawrhsap, Kumar Abhishek hnenah Nomination paper hi thehlutin MNF Party atangin C. Lalrinsanga leh Dr. K. Beichhua te bakah Aizawl leh Serchhip bial chhunga an party hruaitu thahnem tekin an tawiawm a ni.

MNF Candidate Vanlalzawma chuan thuthar thehdarhtute zawhna chhangin Serchhip bial bye-election neih tura a aia ding awm tak tak an awm laia an Party hotu ten ding tura an ti chu lawmawm a tih thu sawiin, boruak thlirin a phurawm tih a sawi a. Tlin ngei pawh an inbeisei tih a sawi bawk.

Heti hian Serchhip bial Assembly bye-election lo awm tura chuh turin mi pali (4) ten Nomination Paper an thehlut fel ta a, Nomination Paper thehluh hun hi karleh Thawhlehni thleng khi hawn niin inthlan an chuh tur thu puang tawh zingah BJP leh PC Party Candidate te chuan an hming an la pelut lo a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »