Latest News

ECI in khapna tichhuak

Election Commission of India (ECI) chuan Serchhip bial-a Assembly Bye-Election neih tur atana Inthlan Result lo inrinlawk siakna lam hawi hrim hrim chhuah a khap.

Hemi chungchanga thuchhuah siama a tarlan danin hetianga Inthlan Result lo thlirlawkna emaw, chhut lawkna lam thil hi chanchinbu ah te, TV news lamah, Print Media chi hrang hrang kaltlang emaw, Electronic Media chi hrang hrang kaltlang emaw, Social Media leh thildang hmanga puanchhuah emaw, tarlan emaw leh tlangzarh te a khap tlat tih a tarlang a. He khapna thupek hian March 27, 2021(Inrinni) zing lam dar 7:00 leh April 29, 2021(Ningani) zan 7:30 inkar a huam dawn a. Hemi chhung hian ECI-in sub-Section (l) of Section 126A of the R.P. Act, 1951 hmanga khapna thupek a chhuah hi mi zawng zawng zawm vek tura hriattir a ni bawk.

He thupek bawhchhia te chu pawisa chawitir emaw, kum 2 thlenga rei Lung In tan tir emaw heng hremna chihnih inkawpa hrem theih an ni a. ECI chuan inthlan zawh hun (Darkar tawp ber) a ruat atanga chhiar leta Darkar 48 chhung chu Election kaihhnawih thila ngaihdan lakkhawmna siam leh tlangzarh pawh a khap tel nghal bawk a ni.

Comments

Chhiar Hlawhte