Latest News

Commerce & Industry Minister in Industrial Growth Centre-ah LCM Industry a hawng

Commerce & Industry Minister, Dr. R. Lalthangliana chuan nimin khan Luangmual-a Industrial Growth Centre-ah Linkchain Machine & Barbed Wire (LCM) Industry a hawng.

LCM Industry hawnna puala inkhawm ah hian Dr. R. Lalthangliana chuan tun tum hi tuilet hnua Industrial Growth Centre-ah thil siamna hmun a hawn hmasak berna a ni tih sawiin, ni chhinchhiah tlak tak a nih thu a sawi a. Thawh tur hrelo thalai tam tak Mizoram-ah an awm thu leh a vei em em thin thu sawiin, “Vawiin-ah tih tur hria ten thawh tur an hriatna hmun kan hawng thei hi a lawmawm hle a ni,” a ti a. Industrial Estate Zuangtui chu lungchhiatthlak a tih thu pawh sawiin Minister chuan, tunah hian Task Force din a nih tawh thu leh ram nei duai si, a taka hmang si lote an chingfel dawn tih a sawi bawk.

He hunah hian Industry dintu, H. Lalthazova chuan tuna an Industry ang chu Mizoram-ah ala awm ngailo tih sawiin, hmarchhak State-ah pawh ala awm ngailoh thu a sawi a. “S.S. Engineer Company atangin Information kan la a, a khawl hi Kolkota-ah kan zu order a ni. He LCM kan din chungchangah hian a Marketting kan ngaihtuah lo a, kan ram in ala neih loh, ram tana kan tih theih ve tawk kan ti a ni mai. Sum ringawt um-a ti kan ni lova, a hralhna lam chu kan thilsiam hi a chhiat loh avangin a awm zel turah ka ngai,” a ti bawk.

Industrial Growth Centre-a ram neitu intelkhawm pawl chuan helai hmunah hian chhungkaw 10 velin thil siamchhuah an neih mek thu sawiin, helai hmunah hian mi 200 chuang chhungkaw eizawnna an siam sak mek thu an sawi bawk.

Comments

Chhiar Hlawhte