Latest News

Hripui laka himna tura thawktu ngaihthah ah puh

ZPM Thalaite chuan hripui laka kan him theihna tura thawktute ngaihthah an ni chu na an tih thu sawiin, an hlawh bat sakte a rang thei ang bera pechhuak turin Mizoram sawrkâr an phut thu an sawi.

    ZPM Thalaite hian niminpiah, March 2, 2021 khan ramri tlawhin Mizoram sawrkâr chuan Vairengte Gate-a Rapid Antigen Test hna thawktute hlawh chu September, 2020 atang khan la ba char charin, thawktute chhungkua chu tunah hian mangang takin an awm mêk tih an hmuchhuak tih an sawi a. Hripui laka kan him theihna tura thawktute ngaihthah an ni chu na an tih thu leh an hlawh an bat sakte a rang thei ang bera pechhuak tura Mizoram sawrkar an phut thu an sawi a ni. ZPM Thalai thuchhuah chuan Vairengte-ah hian ni khatah mi 100 aia tlemlo lakah Rapid Antigen Test hi kalpui thin a ni tih tarlangin, chutihrual chuan Technician pathum leh Laboratory pathum chauh neiin, Technician hi engemaw zat bàn an lo ni tawh a, thawktu dang pawh an nei chaurau hle niin an sawi bawk.

Comments

Chhiar Hlawhte