CM leh Ministry of Agriculture Dy. Director General inkawm

/

Sawrkar laipui-a Ministry of Agriculture hnuaia Deputy Director General (Horticulture Science), Dr. Kumar Singh chuan niminpiah tlai khan Mizoram Chief Minister, Zoramthanga chu CM Bungalow-ah hmuin Horticulture hma-sawnna atana Mizoram mamawh leh hmalak theihna lai te an sawidun.

He an inkawmna ah hian Dr. Kumar Singh chuan Mizoram chu a leilung, sik leh sa awm dan in a zir avangin thei leh thlai hrang hrangah a intodelh theih tur thu a sawi a. Kut-hnathawktute tan training an pek theih thu te leh kuthnathawktu ten sum chang thei leh thlai hlawk zawka sumdawnna tur atan an tharchhuah theih nan hmalak dan turte a sawipui a ni.

He hunah hian Chief Minister Zoramthanga chuan Agriculture leh Horticulture tharchhuaha Mizoram intodelh tura ruahmanna lo siam tawhte sawiin, hlawk zawka buh leh bal, thei leh thlai tharchhuah nan khawl leh tunlai thiamna hman chungchanga hmalak dan te an sawi a. Farmer-te sum lakluh a tam zawk theih nan kumtluana Agriculture leh Horticulture tharchhuah awm theih nan ruahtui khawl lama hmalak leh Geo-Membrane hmanga tui dahkhawlna uar zawk tum a nih thu leh, chumi atan chuan sawrkar laipui puihna pawh mamawh a nih tur thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »