TrueNat khawl hmang tan

Serchhip District Hospital-a TrueNat khawl-ah niminpiah khan Sample 9 enfiah nghal niin result hriat chinah hri kai hmuhchhuah thar an awmlo.

Serchhip CMO Office atanga thu kan dawn danin niminpiah a Serchhip District Hospital TrueNat Laboratory hawn a nih hnuah Positive Contact leh Quarantine Centre-a awm mek bakah hri kai enkawllai mi pakhat, an vaiin mi 9 te Sample chu enfiah an ni a, heng atang hian result 8 hriat niin hri kai hmuhchhuah an awm lova, Sample pakhat hi nimin ah enfiah leh tura tih a ni bawk.

Nimin vek khan Serchhip District-a inkhunghrang mek te Sample lakkhawm chhun-zawm leh nghal niin enfiah leh nghal tura tih a ni a, ruahman lawk ang chuan nimin khan Sample 26 enfiah hman tum niin nizan zanrei lamah an result pawh hriat theih beisei a ni bawk.

Comments

Chhiar Hlawhte