Nikhaw hrelo-a awm boral

New Serchhip Kudam kawn bul-a cheng, Manliani (73) chu nimin chhun khan an bual In-ah nikhaw hrelo-a hmuh niin damdawi In panpui a nih hnuah a boral.

Thudawn danin kum 73-a upa, Manliani, H. Lamthanga nupui hi nimin khan an In-ah awmin chhun lai vel-a a pasal Mitthi In kal haw chuan a hmu mai lova, hemi hnu hian an makpa chuan Manliani hi rawn zawngin an hmuh tak mai loh avangin thenawm hnaivai enkual a ni a, hetah pawh hian an hmuh tak loh avangin a Mobile Phone-ah biak an tum a, an bual In-ah Phone hi a rik tak avangin a chunglam hmun remchang atangin an bih a, bual In-ah hian a tlu chu an hmu a, a kalhna tichhia in an buaipui zui nghal a, damdawi In panpui ni mah se an chhan hman ta lo a ni.

Thudawn danin Manliani hi Motor in su tawhin hei vang hian a ke hi a hmang tha thei lova, hei bakah hian taksa hrisellohna hrang hrang te nei bawkin Blood Sugar te a neih bawk avangin hetianga a tluk chhan chi chiang taka hriat theih erawh a ni lo thung. Manliani ruang hi nizan a lumen a nih hnuah Vawiin hian vuiliam a ni ang.

Comments

Chhiar Hlawhte