Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Naktuk-ah TrueNat khawl hman tan theih beisei a ni

Serchhip District Hospital-a TrueNat khawl bun thar chu naktuk atang khian hman tan theih beisei a ni.

Serchhip Damdawi In hotute hnen atanga thu kan dawn danin niminpiah-a ICMR in Serchhip District Hospital-a TrueNat Quattro RT-PCR chu hman phalna a rawn pek hnuah nimin khan a building-a tihfel ngai ang ang te chu tihfel a ni a, nimin a buaipui zingah hian Air Conditioner chu vuah fel niin Data Entry Operator (DEO) awmna tur tihfel niin Sample lo dawn-sawnna tur hmun pawh siamfel a ni bawk. Rua-hman lawk ang chuan Vawiin hian a building chhung hi damdawi hmanga tih thianghlim a ni dawn a, hetianga tihfel a nih hnu naktuk atang khian khawl hi hman tan theih beisei a ni.

Comments

Chhiar Hlawhte