Mizoram-ah ramdang mi 28 an awm mek

Tun dinhmunah Mizoram-ah ramdangmi (Foreigner) 28 an awm mek thu leh an zinga pathum chu Tan In (Jail)-a tang mek an ni a, mi 24 te chu Aizawl Veng hrang hranga awm an ni.

Home Department atanga thudawn danin Mizoram-a ramdangmi awmte hi American, British, South Korean, Australian, Filipino, Taiwanese leh khawvel ram dang ami te an ni hlawm a. An zinga mi 14 te hi nupui atana Mizo neite an ni a, British mi pakhat leh Taiwanese pakhat hi Mizo pasal nei an ni thung. A tam ber hi chhungkhat laina rawn tlawh a lokal an nih laiin 2 hi zin veivak mi (tourist) an ni a. Irish mi pakhat hi ram pawna awm India khua leh tui nihna nei ang chi, zirtirtu hna rawn thawk a ni a, ani hi Aizawl pawna awm awmchhun niin Thenzawl a Don Bosco School-ah a awm a ni.

Tan In-a tang mekte hi pakhat chu Chinese a ni a, a dang pahnih hi Vietnamese leh Myanmar mi an ni thung a. Dan lo leh zin tura lehkha pawimawh neih ngai nei lova lo lut an ni a, Aizawl, Serchhip leh Lunglei tan In-a tang mek an ni.