Lirthei Insurance enfiah

/

Serchhip-a Traffic Police te chuan nimin khan khawl thar hmangin lirthei Insurance enfiah hna an thawk a, Insurance thi tawh leh Agent lem atanga Insurance ti dapchhuah hna hi ngawrh zawka kalpui tur a ni ang.

Serchhip Traffic Police hotute hnen atanga thu kan dawn danin Mobile Application hmanga Motor Document enfiahna hi siam thar niin he Application hmang hian lirthei document fello, a bikin Insurance thi tawh te chu awlsam taka hmuhchhuah theih a ni tawh a, he Application hmang hian nimin khan Serchhip a Taxi, Auto Rickshaw leh Maxi Cab te chu enfiah niin an zingah hian Insurance thi tawh leh Insurance ti anga lang, amaherawh chu a lem ni si te pawh hmuhchhuah a ni bawk a, heng te hi Insurance dan kalha thiltih a nih thu hrilhin an lirthei Insurance an tih ah fimkhur turin an chah bawk.

Traffic hotute chuaan Sawrkar hriatpui leh pawmpui nilo, Insurance Agent anga inchhal te chu Insurance ti tura pan lo tura lirthei neitute chu chahin, man tlawm zawka Insurance ti theia inchhal tam tak te chu a lem an nih thu an sawi bawk a, sawrkar in a pawmpui Insurance Company leh Agent te kaltlang ngeia Insurance hi ti turin an chah bawk. Nimin a lirthei an enfiahna hi lirthei manna tur ai mahin dan diklo-a Insurance lo ti thin te manchhuahna tur a nih thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »