Latest News

BSF Sipai mi 6 chhuahtir

Serchhip Nursing School COVID Care Centre (CCC)-a BSF Sipai enkawl mi 6 te chu nimin khan anmahni enkawlna hmun atang hian chhuahtir an ni.

Serchhip Nursing School CO-VID Care Centre (CCC)-a thawktute hnen atanga thu kan dawn danin nimin a chhuahtir heng BSF Sipai te hi Battalion hrang hrang ami te niin August thla tir lama hri kai tih hmuhchhuah te an ni hlawm a, Serchhip Nursing School COVID Care Centre (CCC)-a rawn dahluh an nih hnuah hian ni 10 a liam tawh avang leh anmahni-ah natna lanchhuahna a awm loh avangin nimin khan anmahni Battalion lama ni 7 chhung inkhung-hrang tura chhuah tir an ni a, heng mite hi an Sample ennawn leh an nih loh thu anmahni en-kawltute chuan sawiin, ICMR Guideline anga chhuahtir an nih thu leh natna nei tawhlo tura ngaih a nih thu an sawi bawk.

Heti hian Serchhip Nursing School COVID Care Centre (CCC)-a enkawl mi 50 zinga 44 te chu chhuahtir an ni tawh a, tunah hian mi 6 enkawl mek an la ni bawk a. Heng mite nen hian tun dinhmunah Serchhip District-ah COVID-19 hri kai enkawllai mi 18 la awmin SIRD-a Dedicated COVID Health Centre (DCHC)-ah mi 5 leh Thenzawl AYUSH Hospital-a CCC-ah mi 7 enkawl mek an ni bawk.

Comments

Popular News (Last 30 Days)