Bawrhsap hovin COVID-19 dinhmun thlirho

Zonuna Kawlni /

Serchhip District Level Task Force on COVID-19 chu nimin tlai khan an Chairman leh Serchhip District Bawrhsap ni bawk, Kumar Abhishek kaihhruaina hnuaiah an thukhawm a, hri leng meka Serchhip District dinhmun te thlirho a ni.

He thutkhawm Serchhip DC Meeting Room-a neih ah hian Bawrhsap chuan Aizawl lamah COVID-19 Positive hmuhchhuah an tam tak avangin Contact Tracing kal zelin kan District pawh a nghawng ve thei tih a sawi a. Chutihlaiin tun dinhmunah mipui tan han chi-aina tur thil engmah a awm lem lo tih sawiin, COVID-19 laka himna dan- Hmaikawr vuah that leh Kut sil uarte, pawnchhuah tlem te chu nasa zawka zawm deuh deuh turin mipuite a chah a. Sawrkar pisa te pawh fimkhurna dan kan neih te zawm thaa, Visitors Book tha taka vawnga, kutsilna tha taka chhawp ngei turin a chah bawk.

He thutkhawm ah hian Serchhip District-a Quarantine Facility hrang hrang te, CCC leh DCHC dinhmun mek te, Serchhip Quarantine Facility te an khah palha khawdang-a Centre kan neih te hman dan turte bakah School lam an inhawn leh huna Centre-a hman mek School te thlak dan turte pawh sawi a ni. Heng bakah hian COVID-19 kaihhnawih thil pawimawh te ngaihtuah ho a ni bawk.

Tunhnaia Aizawl-a COVID-19 hri kai hmuhchhuah ten an lo kawmhnaih hi thutkhawm neih lai thleng hian Serchhip-ah pakhat, Thenzawl-ah pakhat, Chhingchhip-ah chhungkaw khat leh Bungtlang-ah chhungkaw pakhat te hriat an ni tawh a. Heng mite hi inkhunghran tir nghal vek niin an Swab Sample a rang thei ang bera laka, Serchhip TrueNat Laboratory ah endik tur an ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »