VLTF ten chawhmeh pe

Serchhip District chhunga Quarantine Centre hrang hrangah awm mek te tan khaw hrang hrang ten chawhmeh an pekhawm zel.
Serchhip District chhung-a Quarantine Centre hrang hranga awm mek te tan hian Thentlang VLTF te hmalakna in an khaw mipuite chuan Antam, Maian leh Anhling te lakhawmin heng te hi nizan hmasa khan Serchhip District Bawrhsap hnenah an hlan a, heng chawhmeh te hi Motor pahnih-a rawn phurthlain District Bawrhsap chuan a lo dawng-sawng a ni.
Khawbel khua pawhin nimin khan Ser-chhip District Bawrhsap hnenah hian an khaw mipui ten thawkhawm chawhmeh an pe bawk a, Khawbel VLTF aiawhin an VC Vice President, C. Lallawmkima leh Secretary, HS. VL. Thlamuana te chuan Chingit Tel 15, Zikhlum Changchawr Bag 3, Buhfai Kg. 150, Maian Tel 14, Anhling Tel 7, Phuihnam Tel 12, Antam Tel 146, Sawhthing Kg. 10, Dal Kg. 1.5, Pawisafai Rs. 30 leh thingfak 800 chu an hlan a ni.
Thinglian VLTF hmalakna a an khaw mipui chawhmeh lakkhawm te pawh nimin vek khan Serchhip District Bawrhsap hnenah hian Thinglian Branch YMA Vice President, Lalthan-tluanga leh VC Secretary, Jerome Hminthansanga te chuan an hlan bawk a, Thinglian VLTF hian Antam Tel 158, Thingthupui Tel 59, Phuihnam Tel 3, Ankuangdum Tel 5, Maian Tel 2, Ram-bahra Bag 2, Lairawk Tumbu, Theirah leh Sawh-thing te an rawn pe a ni.
Khawlailung Dinthar Branch YMA pawhin nimin vek khan Antam bag 5, Kurtai Kg. 10 leh Phuihnam an rawn hlan bawk a, heng te hi Branch YMA Adviser, Rev. Lalhmunliana hovin Branch YMA Asst. Secretary, Lalrem-kima leh Treasurer C. Lalrinpuii ten an hlan a. Hemi hmalam hian Leng khua-a Village Organisation chuan Antam leh Maian an hlan bawk. Bawrh-sap chuan heng mamawh hrang hrang petu te inpekna ah lawmthu a sawi a ni.

Comments

Chhiar Hlawhte