Latest News

Tangkhang thlen belh zel

Inkharkhip kalpui chhunzawm zel a nih laiin Mizoram mi leh sa, State dang-a tangkhang te pawh Mizoram-ah an rawn haw zel.
Nizan hmasa khan West Bengal (Kolkata) atanga rawn haw mi 5 te pawhin Serchhip rawn thlengin an hriselna dinhmun enfiah an nih hnuah Agriculture Rest House-ah khunghran nghal an ni a, an hriselna dinhmun pawh a tha tlang nia thudawn a ni. Nagpur (Maharashtra) leh Chhattisgarh atanga rawn haw mi 9 te pawhin nimin zing khan Serchhip District rawn thlengin Thenzawl-ah ah an hriselna dinhmun enfiah niin mi 8 te chu Quarantine Facility Centre-ah dah niin mi pakhat chu Isolation Centre-ah dah a ni bawk.
Nimin thleng khan Serchhip District-ah hian mahni In lama inkhunghrang mi 54 awm mekin Quarantine Facility Centre-a inkhunghrang mi 99 an awm mek a, Community Quarantine Centre-ah inkhunghrang mi 113 awmin Isolation-a dah mi 4 leh COVID Care Centre-ah dah mi 2, an vaiin khunghran 272 an awm mek a. Heng bakah hian Goa atanga rawn haw te pawhin nizan khan Serchhip rawn thleng tura beisei niin Serchhip District-a haw tura in report mi 52 an awm a, Eklavya Model Residential School-ah dah tura ruahman an ni bawk.

Comments

Popular News (Last 30 Days)