Saitual leh Thingsulthliah Damdawi In tan Generator hlan

P&E Minister leh Tawi bialtu MLA, R. Lalzirliana chuan nimin khan District Hospital Saitual-a hman tur 10KV Generator pe in, Generator chahbi hlanna a nei.
District Hospital Saitual-a hman tur Generator hlanna hun hi nimin khan Hospital kawt-a neiin bialtu MLA leh P&E Minister, R. Lalzirliana chuan kum upa lam tan chhuah tamloh a tha tih sawrkar in thuchhuah a siam chu ngai pawimawhin, a Bial pawh duh anga a tlawh zin theihlohna ah thupha a chawi bawk.
District Hospital, Saitual-ah hian COVID-19 hripui leng avanga a tul apiang thawk tura inpe - Nurse, Laboratory Technician, Driver leh a dangte mi 40 bawr vel an awm mek a. Minister hian a tul apianga an hman tur Rs. 50,000/- a pek bakah COVID-19 hripui leng avanga chhun leh zan pawh sawi lova Police duty thin ten a tul anga an hman tur Rs. 50,000/- a pe nghal bawk a ni. Minister hian Mizoram Teachers Federation ten Ambulance an pek khalh tur Driver pakhat hlawh kum khat atan MLA fund atangin a pe nghal bawk a ni.
Hemi hnu hian P&E Minister hian a bial chhung, Thingsulthliah PHC-a hman turin 10KV Generator a hlan leh bawk a, hei hi PHC-a  X-Ray khawl leh Laboratory atan pawh tangkai taka hman theih a nih a beisei thu sawiin, COVID-19 hrileng dona atana hman tur Rs. 50,000/- leh Hand Sanitizer Bawm khat chu he damdawi In-a Medical Officer hnenah a hlan nghal bawk.

Comments

Chhiar Hlawhte