Police ten thingtiak phun

Serchhip Police te chuan nimin khan Serchhip SP Office Complex-ah Green Mizoram denchhenin thingtiak 20 an phun.

Nimin-a Serchhip Police ten Serchhip SP Office Complex-ah thingtiak an phun hi Serchhip SDPO, Victor Zothansanga chuan hmanpuiin SP Office panna kawng leh Office velah thingtiak hi an phun a, Police thuneitute chuan Mizoram-ah thingtiak kan phun tawh zingah enkawl zui loh avanga puitling zo ta lo te a awm thin nia an hriat thu sawiin, an thingphun te chu a puitlin ngei theih nana enkawl zui an tum thu an sawi a, an thingphun te hi a hungna tha tak an siam nghal a ni. Nimin a Serchhip Police te thingphun hi Ashoka Tree 17 leh April par tia hriat pathum a ni a, heng te hi Forest Department Nursery, Chalkhan atanga an lak a ni.