Police hnenah lawmthu sawi

Pune atanga Serchhip District-a rawn haw, Govt. Serchhip College-a khunghran te chuan anmahni Vengtu Police hnenah nimin khan lawmthu sawina pawisafai an hlan.

Inkharkhip kalpui avanga Pune (Maharashtra) atanga Serchhip District-a rawn haw, Govt. Serchhip College-a khunghran te hi nimin khan inkhunghranna hun hmang zovin chhuahtir an ni a, heng mite hian an pawisa neih ang ang thawhkhawmin khunghran an nih chhunga anmahni veng tura ruat C/303 Vanlal-muana, 3rd Bn. MAP hnenah hian an hlan a, lawmthu sawina lehkha hlan-ah Virus kai hlau-a an rawn haw thu te leh mite hlauh an ni chung pawha an chunga a thatna leh a duhsakna ah an lawm hle tih an ziak a, ‘Kan damchhungin kan hre reng tawh ang che, Dam reng ang che’ tih ziakin an pawisa thawhkhawm Rs. 2000/- hi an hlan a ni.