New Serchhip South VLTF in chhungkaw 2 khunghrang

/
New Serchhip South Village Level Task Force (VLTF) te chuan an huamchhunga chhung-kaw pahnih leh mi pakhat te chu Zirtawpni zan atang khan ni 14 chhung atan an khunghrang.
Thudawn danin New Serchhip South VLTF ten an khunghran zinga chhungkaw pakhat zawk te fapa hi Tamil Nadu atanga rawn haw te khunghran an nih khan Quarantine Centre-ah hian eirawng bawlin a awm a. Hetianga a awm lai hian khunghran mek te nen an lo awm ho avangin ni 14 atan khung hran tura tih nghal niin an khung nghal a.
Amaherawh chu Tamil Nadu atanga rawn haw te khunghran hun a zawh hnu hian Tourist Lodge-ah sawn leh niin Zirtawpni khan rawn chhuahtir a ni ve leh a. Quarantine-na hmun-ah hian ni 7 chauh ala awm thu a sawi avang leh a chhungte nen an awmkhawm bawk si avang hian New Serchhip South VLTF te chuan Zirtawpni zan atang khan an chhungkua hian ni 14 chhung khunghran turin an ti a, an lo tlawhpawh tawh te pawh chhui nghalin an thenawm ami te nen an lo in len pawh avangin an thenawm te pawh hi ni 14 atan an khunghrang ve nghal a, a thian lo kawm pakhat pawh an khunghrang nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »