Latest News

Mi 711 enkawl thei turin Mizoram a inpeih

Health Secretary, H. Lalengmawia chuan tun dinhmunah Mizo-ram chu COVID-19 kai mi 711 enkawl thei turin a inpeih tih a sawi.
Health Secretary chuan Mizoram chu COVID-19 kai, an nat dan a zira an awmna tur hrang hrangah tun dinhmunah mi 711 enkawl thei turin a inpeih tih a sawi a, ZMC-ah a na zual enkawlna tur, Ventilator nena thuam khum 36 a awm tih a sawi. Health Secretary chuan mithiamte chhut danin COVID-19 kai mi zaa 80 te chu na vak lo, damdawi In mamawh lo an ni tih sawiin, engpawh lo thleng se heng na vaklote enkawlna tur, Covid Care Center hmun atan damdawi In kher nilo, sawrkar hmun pawimawh hrang hrang te hman mai theih turin Zoram dung tluanah enfiah vek tawh a ni, a ti.
Tuna Mizoram-a hri kai thar hmuhchhuah mi 12 te chu na vak lo, hri kai tih lanchhuahna pawh la nei lo an nih laia ZMC a dah an nih chhan chu fimkhur thu ah a kai tam zawk awmna, Kolasib District chu lo la haw zel turte paltlang leh kawngpui pawimawh awmna anih avangin leh lo la haw belh tur te tan hmun tam zawk ruahman a nih theih nan, ZMC a dah mai an nih thu a sawi a, tunah hian ICU pawh mamawh lo vek an nih thu a sawi bawk.

Comments

Popular News (Last 30 Days)