Mi 132 la inkhunghrang mek

Serchhip District chhungah COVID-19 hri leng avanga inkhunghrang mi 132 chiah an awm tawh a, Serchhip-a COVID-19 hri kai enkawl mek te pawh an dinhmun a tha nia thudawn a ni.

COVID-19 avanga State pawn atanga rawn haw te chu sawrkar in ruahmanna a siam angin an la inkhunghrang mek zel a, nimin khan Thenzawl AYUSH Hospital Quarantine Centre atangin mi 2 te chu an inkhunghran hun a zawh avang leh an sample test a negative avangin chhuah tir leh an ni a, AYUSH Hospital Then-zawl, Covid Care Centre atangin mi 2 chhuahtir an ni bawk.

Heti hian tun dinhmunah ah Serchhip District chhungah hri leng avanga inkhunghrang mi 132 awm mek in heng te hi mahni In lama inkhunghrang mi 21 te, Sawrkar hmunhma a inkhunghrang mi 99 te, Vantlang leh Kohhran hmunhma a inkhunghrang mi 6 leh Isolation (Covid Care Centers (CCC)/Dedicated Covid Health Centers (DCHC)-a khunghran mi 6 te an ni.

Hetihlai hian State pawn atanga Serchhip District-a rawn haw te Throat Swab Sample chu enfiah tura lakkhawm mek zel niin tun thlengin result la hriat loh Sample 48 chiah a awm tawh a, heng te pawh hi reilote ah hriat theih beisei a ni.