Kumin-ah Malaria hrik kai 2058 hmuchhuak tawh

Kumin chhungin May thla thleng khan Mizoram-ah Malaria hrik kai mi 2058 hmuhchhuah an ni tawh.
Health Department chhinchhiah danin kumin January thla atanga May thla thleng khan Mizoram-ah mi 74,617 te thisen enfiah atangin Malara hrik pai 2058 hmuhchhuah a ni tawh a ni. Hetianga Mizoram-ah Malaria kai an la tam avangin hian sawrkar chuan Malaria laka mipuite an him theih nan kawng hrang hrangin hma a la zel a, Health Department Joint Director, Dr. Lalremmawii chuan Sikserh natna laka inven nan hian COVID-19 hripui leng karah damdawi a Thosilen chiah chu Mizoram hmun hrang hrangah sem chhuah mek a nih thu sawiin, Sawrkar laipui atangin damdawi-a Thosilen chiah 4,14,197 dawn anih thu leh chung te chu Mizoram hmun hrang hrangah sem chhuah mek a nih thu a sawi a ni.
Health Department Joint Drector chuan damdawi-a chiah Thosilen chu mi sangkhat zela mi pakhat aia tamin Malaria an veina hmunah sem chhuah a nih thu sawiin, District 5- Aizawl East, Mamit, Champhai, Siaha leh Serchhip District-ah te sem zawh tawh a nih thu a sawi a, District dang 4-ah te pawh sem mek niin, Mizoram pumin Thosilen a dawn atanga zaa 88 chu sem zawh a nih tawh thu leh July thlatir ah sem zawh vek hman an beisei tih a sawi bawk.

Comments

Chhiar Hlawhte