Khunghran tan thlai leh pawisafai hlan

Serchhip District-a khaw pathum- Hriang-tlang, Chhingchhip Mualpui leh Khawlailung te chuan Serchhip District chhung Quarantine Centre hrang hranga awmte tan nimin khan thlai thar chi hrang hrang leh pawisafai an hlan.
Hriangtlang Village Level Task Force hian an khaw mipuite thawhkhawm thlai leh thei chi hrang hrang- Antam bag 13, Maian bag 2, Theihai bag 3.5, Theite bag 1, Aiduria tel 1, Hmarcha Kg. 3, Sawh-thing Kg. 5, Chingit Kg. 5, Dhania tel 1 bakah Task Force member ten hnatlang-a an khawrh Hruizik bag 2 chu Serchhip District Bawrhsap hnenah an hlan a ni.
MzSRLM hnuaia Khawlailung Village Organization-II te pawhin nimin khan an khaw-tlang mipui thawhkhawm chawhmeh chi hrang hrang chu Bawrhsap kutah hlanin heng thilpek hlan tur hian an President, Lalnuntluangi leh Secretary, TC. Zionpari te rawn kalin an khawtlang mipui thawhkhawm Antam bag 14, Phuihnam bag 3, Theihai paikawng 3, Theite bucket 2, Kurtai Kg. 25, Dawlzik tel 6, Bawkbawn kg. 3 leh hmarcha kg 4 an hlan bawk a ni.
Nimin vek khan Chhingchhip Mualpui Village Level Task Force chuan Quanrantine Centre-a awm mekte mamawha hman atan pawi-safai Rs. 10,000/- chu Bawrhsap hnenah hian hlanin Puitu Pawl, Chhingchhip Mualpui in an thawh Rs. 1,000/- pawh Bawrhsap hnenah hian an hlan bawk a. District Bawrhsap chuan thilpek hlu tak tak petute chungah lawmthu a sawi a. An khaw mipuite thilphalna leh inpekna chu a fakawm tak zet tih sawiin, an thilpekte hi kunghran mekte tan tangkai tak anih ngei a beisei thu a sawi bawk.

Comments

Chhiar Hlawhte