Inkhunghrang 123 la awm

/
Serchhip District chhunga inkhunghranna hmun hrang hrang atangin nimin khan mi 7 te chu chhuahtir leh niin tun dinhmunah mi 123 te khunghran mek an la ni.
COVID-19 hripui leng laka mipuite an him theihna tura Mizoram pawn atanga rawn haw te khunghran mek zelah nimin khan inkhunghrang mi 7 te chu an inkhunghran hun a zawh hnuah leh an Swab Sample Test result a Negative avangin chhuahtir leh an ni a, nimin a inkhunghranna hmun chhuahsan te hi In lama inkhunghrang mi 2 te, Tourist Lodge, Serchhip-a inkhunghrang mi 2 te, Thenzawl Forest Rest House-a inkhunghrang mi 2 leh Agriculture Rest House, Serchhip-a inkhunghrang mi 1 te an ni.
Heti hian tun dinhmunah Serchhip District-a inkhunghranna hmun hrang hranga inkhung-hrang mi 123 an la awm mek a, heng te hi mahni In lama inkhunghrang mi 17, sawrkar hmunhmaa inkhunghrang mi 94, Vantlang leh Kohhran hmunhmaa inkhunghrang mi 6 leh COVID Care Centre (CCC) leh Dedicated COVID Health Centre (DCHC)-a inkhunghrang mi 6 te an ni a, Serchhip atanga Swab Sample enfiah tura thawn zingah result nghah mek 48 ala awm bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »