Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

India-ah hri kai hmuhchhuah 3,66,946 an tling ta

Nimin thleng khan India ramah COVID-19 kai hmuhchhuah mi 3,66,946 tling tawhin nunna chan mi 12,237 an tling tawh bawk.
Ministry of Health & Family Welfare chhinchhiahna atanga a lan danin hri kai hmuhchhuah zinga mi 1,94,325 te chu enkawl dam ni tawhin hei hi za zela 52.95 niin hri kai enkawl mek 1,60,384 an awm thung a, hri kai enkawl mek aiin enkawl dam hi 33,941 in an tam zawk a ni. Hetihlai hian hri kai zingah nunna chan mi 12,237 an awm tawh bawk a, hei hi hri kai hmuhchhuah zawng zawng atangin zaa 3.33 an tling a ni.

Comments

Chhiar Hlawhte