Chanchin thar thenkhat :

Green Road peihfel a ni

Save Chite Lui Coordination leh Mizoram PWD tangkawp in Chite Lui-a polythene hman hnu atanga Plastic Road (Green Road) an siam chu June ni 5, World Environment Day khan Reiek khuah an peihfel. Plastic hman hnu hmang tangkaia kawngpui siam hi Indian Road Congress-in 'hmantlak, tha leh him' tia tunhma atanga a lo pawm tawh a ni a. Sawrkar laipui-a Ministry of Environment, Forests & Climate Change pawhin hetiang a hmalakna hi uar deuh deuh turin State tinte a lo hriattir tawh bawk a ni.
Reiek khawchhung atanga Tourist Resort panna Green Road siam hi bultanna leh tih chhinna atan, te tham deuh hlekin kalpui a ni a. Lian tham zawkin hmundanga kalpui zui zel dan tur pawh ngaihtuah mek a ni bawk.

Candidate tur ti danglam
Mizoram Pradesh Congress Committee (MPCC) chuan tun thla ni 19-a Mizoram Rajya Sabha MP thlanna neih tura an Candidate tur lo siam tawh chu ti danglamin MPCC Spokesperson leh Media Department Chairman ni lai, Dr. Lallianchhunga chu an Candidate tur a nih thu an puang a. Hemi hmalam hian MNF party chuan K. Vanlalvena chu an Candidate tur a nih thu puangin ZPM Party pawhin B. Lalchhanzova chu an Candidate tur a nih thu an lo puang tawh a, BJP chuan Candidate an neih dawn leh dawn loh an la tichiang lo thung. He inthlan chuh tumte tan hian naktuk thlengin hming pekluh theih a ni ang.

Zirtirtu ten sum thawh dawn
Mizoram Teachers’ Federation chuan Zir-tawpni (June 5, 2020) khan Govt. Mizo H/S Headmaster Room-ah Executive Meeting neiin COVID-19 dona atan an member ten Basic Pay atanga 5% thawh an lo rel tawh chu June 13, 2020 hmaa thehluh nise tiin hemi atang hian Ambulance (Ecco Van) 5 (pakhat cheng nuai 6 man) zel lei nise an ti a. Hei bakah hian ramri venga Duty te tanpuina atan cheng nuai 12 pek nise an ti bawk.

Dan bawhchhia man tam
S (Containment and Prevention of Covid-19) Ordinance, 2020 a hman, May 4, 2020 hnuah Police ten Dan bawhchhia mi 6752 leh Local Task Force in mi, 1355 an vaiin mi 8107 man an ni tawh a, heng mite pawisa chawi chu Rs. 18,13,100/- a tling tawh bawk.

Helipad enchhin a ni
Serchhip District chhung, North Vanlaiphai khuaa Helipad siam thar chu Inrinni khan en-chhinna neiin Pawan Hans Helicopter chu hlawh-tling takin a tum chhin a, North Vanlaiphai Helipad hi khua atanga KM 1.5 vel (Chekawn atanga luh hma)-a hla, Phaidung leilet kam-a awm niin meter 34 vela zau a ni.

Comments

Chhiar Hlawhte