Chanchin thar thenkhat :

Mamit tan Ambulance 4 hlan

Mamit District Bawrhsap hmalakna a Aspi-rational District an nih anga chawikan an nih theihna tura Rural Electrification Corporation Ltd. CSR Fund atanga lei Ambulance pali (4) te chu nimin khan Health Minister, Dr. R. Lalthang-liana chuan Mamit DC Conference Hall-ah a tlangzarh a. Heng Ambulance leina atan hian Rs. 26,13,504/- senral niin Maruti AC Eeco Van lei-a siam danglam a ni a, Ambulance-ah hian Driver thutna leh damlo phurhna inkar chu phui taka pindan niin a hnungah hian damlo mutna (thlawn theih) awmin damlo buaipuitu mi pathum thut theihna a awm a. Ambulance hian Oxygen Cylinder a kawl bawk a ni. Health Minister hian khum 100 awmna tur Mamit Damdawi In sak mek pawh a tlawh nghal bawk.

Tangkhang 12,115 haw tawh
State pawn-a Mizoram mi leh sa tangkhang te buaipui tura din, Task Group on Migrant Workers & Stranded Travellers te chhinchihahna atanga a lan danin nimin thleng khan Mizoram-a tang-khang haw duh in hriattir mi 14,401 awmin heng zinga 12,115 te chuan Mizoram an rawn thleng tawh  a, Mizoram-a rawn haw zinga mi11,299 te chuan Quarantine Facility chhuahsan tawhin tunah hian Quarantine Facility-ah mi 816 an awm mek a, tunah hian rawn la haw tur chhin-chhiah 2286 an la awm bawk. Hetihlai hian Mi-zoram mi leh sa nilo, Mizoram-a tangkhang leh thawnhaw ngai in report chu nimin thleng khan mi 75 la awmin a tam ber, mi 47 chu Myanmar a haw tur an ni a, Manipur-a haw tur mi 21 bakah India leh foreign-a haw turte an ni.

Project kalpui tur en
Social Welfare Minister, Dr. K. Beichhua chuan nimin khan Siaha District-a Saikao khua, Lakher Pioneer Mission hmunpui leh Sap Missionary te sulhnu tlawhin, helai hmun hi Ministry of Tribal Affairs chuan humhalh phalna a pe a, hemi atana Preservation of Heritage Land at Serkawr project kalpui dan tur a en nghal bawk.

BJP in Black Day hmang
BJP Mizoram Pradesh chuan nimin, June 25, 2020 khn Aizawl-a an Office-ah kum 1975 a India rama Emergency puan a nih champha vawi 45-na pualin Black Day an hmang a, he Emergency puan hi thla 21 zet a nih thu leh Mizoram thlengin nasa taka kan tawrh thu te sawiin, thangthar ten he ‘National Emergency 1975’ hi an hriat a, kan zir thar leh nan leh ram hmangaihna thinlung an put thar nan hetiang hun hi hman thin a nih thu an sawi bawk.

MPYCC te an ngaih a thalo
Mizoram Pradesh Youth Congress Committee (MPYCC) chuan inkharkhip kalpui a nih mek laia Dan leh thupek lama mawhphurtu, Home Minister ber ngawichawi lutuk chuan ngaiha  ti thalo nia sawiin, kalchhuak kher lo pawhin a mawhphurhna lian tak hlen turin ramchhung mipuite thlamuanna thuchah puangchhuak tur leh thlamuanna thuchah tal puangchhuak thin turin an chah bawk.

Comments

Chhiar Hlawhte