Latest News

Chanchin thar thenkhat :

Rajya Sabha MP thlang dawn

Mizoram in Rajya Sabha-a Seat khat a neih hnawhkhahna atana inthlanna chu Vawiin hian neih a ni dawn ta. Mizoram in Rajya Sabha-a Seat a neih hnawhkhahna atana inthlanna chuh tur hian mi pathum te chuan Nomination Paper thehlutin a vai hian pawm vek a ni a, inhnuk-dawk awm lovin Vawiin zing dar 9:00 atanga tlai dar 4:00 thlengin he inthlanna a Vote nei thei ten Assembly House Main Building 2nd Floor-a Committee Room-ah Vote hi an thlak dawn a ni. He inthlanna ah hian State Assembly-a rorellai, MNF Party chuan K. Vanlalvena chu Candidate in ani hi tling ngei tura ngaih a ni a, ZPM chuan B. Lalchhanzova chu Candidate in Indian National Congress chuan Dr. Lallianchhunga chu an Candidate ve bawk a, he inthlanna a Vote tla te hi Election Commission atanga phalna hmuh a nih chuan Vawiin tlai dar 5:00 atangin chhiar nghal a ni ang.

ZLP in thlawp tur tichiang
ZPM Legislature Party (ZLP) chuan nimin khan thutkhawm neiin Vawiin a Mizoram Rajya Sabha MP thlanna neih turah ZPM Party Candidate, B. Lalchhanzova chu thlawp nise tiin thu-tlukna an siam a. ZLP hian Seat 40 awmna Mizoram State Legislative Assembly-ah Member 7 an nei a ni.

HB enna khawl hlan
Mamit District Bawrhsap, Dr. Lalrozama chuan nimin khan Mamit District CMO, Dr. Vanlalfela hnenah TrueHB Hemometer leh Test Strips te a hlan. Heng khawl hlanna hunah hian Mamit DC chuan Mamit District chu Aspirational District an nih angin REC Foundation atangin he khawl hi an dawng tih sawiin, a bik takin nu naupai mek te'n an HB (Haemoglobin) awlsam taka an test zung zung theihna tura pekan nih thu a sawi bawk. TrueHB Hemometer leh Test Strips te hi REC Ltd. CSR Health Project hnuaia dawn niin Mamit District chhunga Health Sub-Centre 41 te hnenah Set 1 theuha sem tura ruahman a ni.

MLA Fund chhunglut
COVID-19 laka Mizoram a him theihna atana a tul ang anga hman turin nimin khan Mizoram MLA 16 te chuan MLA-LADS Fund atangin CM Relief Fund for COVID-19 ah cheng nuai 25 theuh an chhunglut leh a, hemi hmalam hian Minister leh MLA thenkhat te pawhin an lo chhunglut tawh a ni. Nimin a sum chhungluttu te zingah hian Chief Minister leh Speaker bakah Minister, Govt. Dy. Chief Whip leh MLA dangte an tel a ni.

Comments

Popular News (Last 30 Days)