Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Bethel Kohhran hnatlang nei

Serchhip Bethel Kohhran chuan nimin khan hnatlang neiin COVID-19 avanga an Kohhran hmunhma te inkhunghranna atana hman turin an buatsaih.
Mizoram mi hruai haw mekah tunah hian Mumbai leh Pune atangin mi thahnem tak ten Mizoram ram rawn pan mekin heng zinga Mumbai atanga rawn haw hmeichhia te chu Bethel Kohhran Sunday School Hall-ah hian dah tura ruahman niin heng mite lo dawngsawng tur hian Bethel Kohhran te hian hnatlang hi an nei a, Kohhran member thahnem tak thawkchhuakin riahna tur hmun leh ei leh in buatsaihna turte an ruahman fel a, helai hmuna dah te hi Bethel Koh-hran Committee chuan an ei leh in te an tumsak vek dawn bakah venhimna hna pawh an thawk nghal dawn a ni.

Comments

Chhiar Hlawhte