Bairabi-ah Rel hmangin mi 6621 te rawn haw tawh

COVID-19 lockdown vanga India ram State hrang hranga Mizo tangkhang, Bairabi Rel chawlhhmun lo thleng tawh chu an vaiin mi 6,621 an tling tawh.
Bairabi Rel chawlhhmun kaltlanga Mizoram mi leh sa rawn haw tam ber hi Aizawl District mi niin mi 2,786 an ni a, midang te hi Lunglei District mi 617, Siaha District mi 727, Kolasib District mi 374, Champhai District mi 477, Serchhip District mi 308, Mamit District mi 367, Lawngtlai District mi 537, Saitual District mi 179, Khawzawl District 166 leh Hnahthial District mi 83 an ni. State pawn atanga a huho-a rawn haw zingah Delhi leh Haryana atanga rawn haw tam berin mi 1,419 an rawn haw a, Tamil Nadu atangin mi 903, Telengana & Andhra Pradesh atangin mi 474, Karnataka atangin mi 1,387, Gujarat leh Madhya Pradesh atangin mi 366, Goa atangin mi 734 leh Maharashtra atangin mi 1,338 an rawn haw bawk.
Hetihlai hian kumin February ni 11 atanga tun thla ni 3 thleng khan Bairabi khaw hmarlam tawn tirh, NH-154 (kawngpui) a COVID-19 Screening Point a khualzin te hriselna endik sak tawh zat chu mi 10,008 niin lirthei endik 2,184 a awm tawh bawk a, COVID-19 lockdown hnua Vairengte paltlanga khualzin leh lirthei kaltlang chhinchhiah danin mi 60,884 leh lirthei 27,240 an tlang tawh bawk.
State hrang hranga Mizo tangkhang Vairengte paltlanga Mizoram a lo haw, District hrang hranga mi, Gate-a duty ten an chhinchhiah zat chu mi 3,113 an ni tawh bawk a. Sawrkar chhinchhiah danin State pawn atanga lo haw tur mi 10,496 an awm a, heng te hi Aizawl District-ah mi 4,413, Lunglei District 916, Kolasib District 579, Serchhip District 407, Mamit District 567, Siaha District 1011, Lawngtlai District 877, Champhai District 714, Saitual District 232, Khawzawl District 187 leh Hnahthial District mi 127 an ni a. Heng bakah hian India rampawn-a awm mi 330-in report awm bawkin, Cruise Line hrang hranga thawk mi 211 an awm bawk.

Comments

Chhiar Hlawhte