SDCA in pawi tih thu an sawi

Serchhip District Consumer Association (SDCA) chuan Serchhip-a thlai thar hralh chungchanga an thil zirchianna tarlanah mi tam takin hriatfiah tawkloh neiin Serchhip thlai thar te hralh anih theih nana theihtawpa hmalatu, Horticulture Department leh Vegetable Supply Chain hnuaia awm Department te demna lam rawngkai a awm tih an hriat thu leh pawi an tih thu thu-chhuah siamin an tarlang a.
Hetiang boruak siam hi an tum a nih loh thu leh tunhnaia Serchhip Thlai thar hralh anih chungchangah Serchhip loneitu lam leh Aizawl lama Task Force lam a inrinhlelh-tawnna awm ni a lang chu tha lo tiin an document hmuh theih te atanga thil awmdan ni a an hriat te an tarlang tih an thuchhuah an chuan tarlangin, Serchhip-a thlaithar neitu lam chuan an thlai thar hralhna sawrkar lamin a ngaihtuah sak avangin an lawm hle tih an hriat thu leh lawmawm an tih thu an tarlang a, hemi chungchanga thu zawhfiah duh nei tan Department hotute zawhfiah theih reng a nih thu an tarlang bawk.
Hei bakah hian SDCA chuan hetianga thlai thar hralh buaipuitu, Vegetable Supply Chain Department hrang hrangte hian thlai thar zawrh hi an la tih ngai loh thil a nih bakah hlawm tam tak thlengkhawm buaipui an nih avangin thiam pawh a harsa ang tih an hriatpui tih pawh tarlangin, hei vang hian fimkhur zawka kalpui turin an ngen nawn leh tih an tarlang bawk.

Comments

Chhiar Hlawhte